Таза шаарга чоң кадам: Ошто тазалыкты башкаруу боюнча жаңы объекттер курулууда
🔹 2026-жылдын 28-августунда Ош шаарында Жогорку Кеңештин Төрагасы Марлен Маматалиевдин, Ош шаарынын мэри Жанарбек Акаевдин, ошондой эле Жогорку жана шаардык кеңештердин бир катар депутаттарынын катышуусунда маанилүү иш-чаралар өттү.
🔹 Бийлик өкүлдөрү жаңыртылган жолдордун салтанаттуу ачылышына катышып, калдыктарды кайра иштетүү заводунун курулушу менен, ошондой эле катуу тиричилик калдыктарын башкаруу инфраструктурасын өнүктүрүү долбоорунун жүрүшү менен таанышты.
🔹 Учурда негизги курулуш иштери активдүү жүргүзүлүүдө. Жаңы санитардык полигон кенен аймакты ээлеп, калдыктарды коопсуз жана көзөмөлдөнгөн түрдө жайгаштыруу үчүн иштелип чыккан.
🔹 Ошону менен катар эле, эски КТБ полигонун жабуу жана рекультивациялоо иштери аяктап калды. Иштердин негизги көлөмү аткарылып бүттү, акыркы этапта коргоочу катмардын өсүмдүк капталышы орнотулууда.
🔹 Долбоор аяктагандан кийин жаңы инфраструктура калдыктарды башкаруунун коопсуздугун жогорулатууга, аларды көзөмөлдөнгөн түрдө жайгаштырууга жана учурдагы полигондун айлана-чөйрөгө тийгизген терс таасирин азайтууга мүмкүндүк берет.
